مرحباااااااااااااااااااا بكم شرفتونا

    قصص واقعية مضحكة ...

    شاطر
    avatar
    حنان
    عضو متالق
    عضو متالق

    عدد الرسائل : 356
    العمر : 34
    الموقع : www.arabstar.montadarabi.com
    المزاج : متفائله
    تاريخ التسجيل : 19/11/2007

    قصص واقعية مضحكة ...

    مُساهمة من طرف حنان في الجمعة ديسمبر 07, 2007 1:25 pm

    قصص واقعيه مضحكه
    موقف ما راح انساه
    كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس

    كله من الثلج

    تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج (تبرد) يدين خواتي المهم خواتي سحبوا إحرامه (السفلي) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك ..

    عسى ما نست

    مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..<< والله الذكاء

    معرس بألف شوكة وشوكة
    واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر" برشوم " والبرشوم فاكهة لها اشواك رهيبة وماتنشاف

    <<<<<<<<<<<< زين سوت

    الشغالـة

    اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك ..


    وش اللي صار

    فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه (تدفعه) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …

    <<<<<< لو اني بمكانه طلقتها هههههههههه

    مطر مفاجئ

    وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض (الحمرة) في يدها دخلت تغسل يدها وفتحت الحنفية .. ومـادرت الا والدش يصب على راسها !!
    <<<<< قهررررررررر

    تحريك جو
    فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..

    تطبيق واقعي
    وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

    نتيجة اللقااااافه
    فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!<< ماني داريه ايش دخل اللقافه في الموضوع

    دايماً تصيــــر
    وهذي سالفة أمي قامت تلبس شرشف الصلاة تبي تصلي وفجأه رن التلفون ورفعت السماعه وبدل ماتقول ألو قالت الله أكبر هههههههههه وبصراحه عجزت تتكلم ورمت السماعه وطاحت من الضحك ........
    avatar
    السلطان الناصر
    عضو جديد
    عضو جديد

    عدد الرسائل : 40
    العمر : 25
    الموقع : تونس
    المزاج : حماسي
    تاريخ التسجيل : 16/11/2007

    رد: قصص واقعية مضحكة ...

    مُساهمة من طرف السلطان الناصر في الجمعة ديسمبر 07, 2007 5:56 pm

    برافوا أخت حنان
    تحياتي
    avatar
    سوار الحب
    عضو جديد
    عضو جديد

    عدد الرسائل : 41
    العمر : 22
    الموقع : www.arabstar.montadarabi.com
    المزاج : رايقة
    تاريخ التسجيل : 07/12/2007

    رد: قصص واقعية مضحكة ...

    مُساهمة من طرف سوار الحب في الجمعة ديسمبر 07, 2007 8:09 pm

    شكرا حنوووووووووو
    avatar
    عاشق الصمت
    المدير العام
    المدير العام

    عدد الرسائل : 561
    العمر : 30
    تاريخ التسجيل : 29/08/2007

    رد: قصص واقعية مضحكة ...

    مُساهمة من طرف عاشق الصمت في السبت ديسمبر 08, 2007 2:24 pm

    ههههههههههههههههههههههههههه
    قصص حلوة جداا ومضحكة.............................
    مشكورة على المجهود الكبير والموضوع الجميل
    تقبلى مرورى


    _________________

    avatar
    صقرفلسطين
    عضو مؤوسس
    عضو مؤوسس

    عدد الرسائل : 793
    العمر : 32
    الموقع : نجوم العرب
    المزاج : رايق
    تاريخ التسجيل : 21/09/2007

    رد: قصص واقعية مضحكة ...

    مُساهمة من طرف صقرفلسطين في الأربعاء ديسمبر 12, 2007 1:56 am

    قصص حلوة جداا ومضحكة


    يسلمووو اديكى حناااااااااان

    تحياتي لكى


    _________________

      الوقت/التاريخ الآن هو الخميس أغسطس 16, 2018 2:29 am